RADOIANE ELARABI
26-12-2004, 06:36 PM
باسم الإله الشعب رب المضربين
الصايم المحروم على مر السنين
يا منشدين الحي حيوا حينا
واحنا هنا ع العهد دايما مخلصين
*************
محلا القصايد ف الشدايد والغنا
محلا الكلام الحب اوقات الشقى
إحنا اللي تهنا ع الطريق من بعضنا
متفرقين
والسجن هو الملتقى
اه يا رفاقه من متاهات الطريق
لما الليالي بيتخنق فيها القمر
يمشي الصديق ف الضلمة
يخبط في الصديق
والسكه بنت الخطوتين
تاخد سنه .
*************
احنا النهارده فين وكام
وبكره كام
وبعده فين؟
*************
وفي كل يوم بنزور مكان
وكل يوم بنزيد عدد
وكل يوم نفتح بيبان
وكل يوم بنزيل سدد
وكل يوم يطلع بنا
وكل يوم ينزل هدد
وكل يوم نحبل غنا
وكل يوم نولد مدد
احنا كده لازم نكون
جوه السجون بره السجون
*************
محلا القصايد ف الشدايد والغنا
محلا العيدان الخضر ف الربع الخراب
احنا اللي تهنا ع الطريق من بعضنا
متجمعين بنخط صفحة ف الكتاب
ملعونه قامة تنحني بالقهر من حاكم وخان
ملعونة كلمة تنتني ف الحلق تهرب م اللسان
ملعونة ساعة تنحسب م العمر يطويها الخنوع
ملعونه لقمه مغمسة بالذل ملعون الجبان
اه يا رفاقه يا اللي علمتوا الصلابه للحجر
بانده لكم وسط الكآبة والرتابة والضجر
يا مقربين الفجر نوره ومطلعه
مدوا المسامع ف المجامع واسمعوا
صرخة مغني الحي من جوف العدم
اتجمعوا
اتجمعوا
اتجمعوا
الصايم المحروم على مر السنين
يا منشدين الحي حيوا حينا
واحنا هنا ع العهد دايما مخلصين
*************
محلا القصايد ف الشدايد والغنا
محلا الكلام الحب اوقات الشقى
إحنا اللي تهنا ع الطريق من بعضنا
متفرقين
والسجن هو الملتقى
اه يا رفاقه من متاهات الطريق
لما الليالي بيتخنق فيها القمر
يمشي الصديق ف الضلمة
يخبط في الصديق
والسكه بنت الخطوتين
تاخد سنه .
*************
احنا النهارده فين وكام
وبكره كام
وبعده فين؟
*************
وفي كل يوم بنزور مكان
وكل يوم بنزيد عدد
وكل يوم نفتح بيبان
وكل يوم بنزيل سدد
وكل يوم يطلع بنا
وكل يوم ينزل هدد
وكل يوم نحبل غنا
وكل يوم نولد مدد
احنا كده لازم نكون
جوه السجون بره السجون
*************
محلا القصايد ف الشدايد والغنا
محلا العيدان الخضر ف الربع الخراب
احنا اللي تهنا ع الطريق من بعضنا
متجمعين بنخط صفحة ف الكتاب
ملعونه قامة تنحني بالقهر من حاكم وخان
ملعونة كلمة تنتني ف الحلق تهرب م اللسان
ملعونة ساعة تنحسب م العمر يطويها الخنوع
ملعونه لقمه مغمسة بالذل ملعون الجبان
اه يا رفاقه يا اللي علمتوا الصلابه للحجر
بانده لكم وسط الكآبة والرتابة والضجر
يا مقربين الفجر نوره ومطلعه
مدوا المسامع ف المجامع واسمعوا
صرخة مغني الحي من جوف العدم
اتجمعوا
اتجمعوا
اتجمعوا