قصيدة بغداد (بصوت ناصر القحطاني )

[الراوي]

ناصر القحطاني

شاعر الاندلس

http://www.geocities.com/swishian/bsmelah_3la_bgdad.ram

عساها فاتحة برد وسلام وخاتمة وقاد
علـى دار السـلام الله يـروع مـن يروعهـا
***
حضارة سومر وبابـل قبـل تشريفـة الميـلاد
عروق الرسل والعلم وهـل الشعـر وروايعهـا
***
هوى سيف الله المسلول يوم ان السيـوف حـداد
مساري سربة كـان المثنـى فـي طلايعهـا
***
عروس زفهـا المنصـور والدنيـا لهـا سجـاد
ودلعهـا الرشيـد الله عليـهـا يــوم دلعـهـا
***
بدت بالسندس اللـي يهـوس الخـلان والحسـاد
وكثـر ماهزهـا التاريـخ مااهتـزت روابعهـا
***
بقت خضر مرابعها بقت تنجـب لنـا الامجـاد
بقـت بيـض صنايعهـا بقـت سـود وقايعهـا
***
ورى ماتستميـت قلوبنـا معهـا وهـي بغـداد
ياكبـر العـار لـو ماتستميـت قلوبنـا معهـا
***
عليهـا الله وامـان الله بـلاد الرافديـن بــلاد
هجد صـوت القنابـل جنـب تهليلـة جوامعهـا
***
دهاها من وراء الحملات ليـل لونقـص يـزداد
اهلنـا فـي مدامعهـا واهلهـا فـي مطامعهـا
***
هل الحريه اللي لاغشى اصحاب البيوت رقاد
تفرق بينها مندوبة الهاون مضاجعها
***
هل الحريه اللي بعدهاصاروا بنات الضاد
ينوش المنتشي حشمة ملابسهن ويرفعها
***
هل الحريه اللي قصت اجنحة اكثر الأولاد
مـادام يدينهـا ماترفـع اثنيـن مـن اصابعهـا
***
تعودنا على حرق النسـل والحـرث والاصفـاد
وتعودنـا علـى نــار يطفيـهـا مولعـهـا
***
يبس بكفوف اهلنا غصن زيتون وكمـا المعتـاد
عناقيـد الهدايـا جاتنـا مـن كـف صانعهـا
***
عسى المقبل مثل صيحة ثمود ومثل صرصر عاد
عشان اهل البيوت الخاربـه تبرى مواجعهـا
***
على وين المراكب سايره فـي حضـرة الـرواد
عساهـم للدوايـر ليـن تدرجـهـم منافعـهـا
***
مصير امصار واجيال وزمن وجموع بيـد افـراد
لها التاريـخ بالمرصـاد وان خانـت ودايعهـا
***
محبتنـا عـداوه والقلـوب قريـبـات بـعـاد
بعـد مانصنـع الكذبـه نصدقـهـا ونتبعـهـا
***
خذتنـا العنتريـات الله يبيـح مـن ابـن شـداد
وضعنا بالخطب ليت الخطـب نقـدر تضيعهـا
***
تواعدنا مع الوحـده وصرنـا نخلـف الميعـاد
مظاهر وانظمة واحـزاب مـن يقـدر يجمعهـا
***
تصيهن دم نـاس طايريـن بعجـة الاوغـاد
تصاغرنا مثل ماستصغـر الكرسـي مراجعهـا
***
اخيرا كم بقي طاغي وكـم باغـي وكـم جـلاد
وكم لص وكم اصنام وكـم اوهـام نصارعهـا
***
وكم صوره تظن الروح والـدم اغنيـه وانشـاد
وهـي كـل هنـاك يدوسـهـا والا يقطعـهـا
***
لعـل الليلـه اللـي جابـت الكابـوس ماتنعـاد
وبسـم الله علـى بغـداد مـن شـي يروعهـا