لا يفوتك....حوار سري جداً جداً بين الرئيس المصري حسني مبارك و........

[lkhtabi]

عند اذاعة الخبر عن عزم حكومة طالبان الأفغانية تدمير اكبر تمثال لبوذا في العالم , كان الرئيس المصري
بصحبة أحد معاونيه ودار بينهم الحوار التالي : -

معاون الريس : سمعت الخبر يا ريس , بيقولو ان طلبان ح يهدو اكبر تمسال لبوزا في العالم

سيادة الريس : و دول بتوع طلبان ح يهدوها ليه

معاون الريس : قال ايه , بيقولو ان التماسيل بتعبد من دون الله قال , عالم متخلفة

سيادة الريس : هم طلبان دول مش ح يبطلو شغل الدروشة بتاعهم , يالله ما علينا , واحنا ما لنا

معاون الريس : واحنا مالنا ازاي يا ريس , الكلام ده لو حصل ح تبقى مصيبة

سيادة الريس : مصيبة ليه كفى الشر

معاون الريس : ما هو ما هو

سيادة الريس : انت ح تمأمأ لي , ما هو ايه ؟؟ سيبت اعصابي , ما تنطق , مصيبة ليه ؟

معاون الريس : ما هو بعد ما يهدو التمسال بتاع بوزا ح يطلع لنا كام واحد من اياهم ويقولو اشمعنى ابو

الهول , ما ده تمسال برضه , نهده

سيادة الريس : ابو الهول !!!!!! نهده !!!!!!!! دي تبقى مصيبة سودا على دماغنا كلنا ,

معاون الريس : طبعاً يا ريس , دي حضارتنا وعنوان تقدمنا , مش اي حاجه يعني

سيادة الريس : حضارة ايه ونيلة ايه , انت بتاكل من الكلام ده ؟ يا حبيبي دول بيدخلو للبلد كل سنة اكتر من 3

مليار عملة صعبة

معاون الريس : والعمل ايه يا ريس ؟؟

سيادة الريس : عملك اسود , عملك مهبب , عملك منيل بستين نيلة , طلبان ايه دول اللي طالعين لي في

البخت ؟ ما هي ناقصاهم ,,, اسمع , تلم لي بتوع العمم ( بتوعنا ) واولهم المفتي , وتخليهم يشجبو هدم

التمسال وخليهم يقولو ان هدم تمسال بوزا مش من الاسلام وان ده تصرف لا حضاري ولا اسلامي

وعايز حملة اعلامية في كل الجرانين تخلي اكبر كتابنا يتريقو على طلبان وشلتهم , ما هو ما فيش غير كده

معاون الريس : بس سيادتك فيه مشكلة واحدة بس

سيادة الريس : مشكلة ايه انت كمان

معاون الريس : الكتاب والصحفيين مقدور عليهم وف جيبنا

بس ازاي ح نخلي المفتي يقول ان هدم الأصنام حاجة مش من الاسلام ؟؟ دي حاجة مش سهلة

وانت عارف سيادتك ان دي حاجة بيدرسوها للعيال في الابتدائية ( وهدم الرسول صلى الله عليه وسلم

الأصنام عند فتح مكة ) دي حاجة من صميم الاسلام يا ريس

سيادة الريس : من صميم الإسلام مش من صميم الاسلام ما ليش دعوة , واهو زي ما خلينا المفتي اللي

قبله يقول ان فوائد البنوك حلال , نخلي المفتي ده يقول ان هدم التمسال مش حلال .

معاون الريس : اللي تشوفه يا فندم , احلام سيادتك اوامر

سيادة الريس : الا قول لي , هو صحيح لغاية دلوقت بيعلمو للعيال في المدارس ان الرسول ( عليه الصلاة

والسلام ) هد الأصنام اللي في مكة ؟؟

معاون الريس : اظن كده يا فندم

سيادة الريس : قول لوزير التربية والتعليم يشيل حتة هدم الأصنام من المقرر , وعلمو التلامزة ان الرسول

(عليه الصلاة والسلام ) فتح مكة وبس ,,, ما تجيبوش سيرة هدم الأصنام , ما هي مصيبة بكرا يطلع

لنا طلبان تانيين هنا فمصر كمان ,,,, قال ايه ,, قال يهدو ابو الهول

هذا الحوار من تأليف الكاتب ولكنه يصف الحال المزري الذي وصلت له مصر الشقيقة


منقول
www.baytalmaqdes.com